Syskjenbarntreff

Sist helg var eg på syskjenbarntreff på Lisjenesbuda.

Det var syskjenbarna på både mamma og pappa si side, så her hadde vi folk frå Hundsnes og Lillenes slekta. På menyen fredag var det reker.

Den yngre garde synest det var kjekt å fiske - det vart fleire makrellar på dei.

Som takk til arrangørane hadde Marit og Terje kjøpt gåver som dei kan bruke ved ei seinare anledning - skalldyrsett.

Laurdagen for vi på busstur.

Fyrste stopp var Ishavsmuseet Aarvak på Brandal. Lillenes-slekta har lange tradisjonar innan ishavet, men på Brandal var det den bygda si lange ishavshistorie som vart vist fram. Oldemora vår på Lillenes-sida, Oline, kom frå Brandal.

Denne skuta heiter Aarvak. Den har dei bygd eit spesialkonstruert hus rundt. Det var kjekt å få kome ombord å sjå korleis det såg ut på ei ishavsskute. Aarvak er frå 1912. Eine onkelen min var stuert ombod her.

Det var trang om saligheita for mannskapet. 

Her er mine tre brødre og dei tre 'gutane' frå Kyrkjesæterøyra. 

Broren min Terje kom heilt frå Korea for å vere med på treffet.

Etter at vi var ferdige på Brandal skulle vi køyre rundt Gurskøya, men vi for fyrst opp på Drageskaret. Der hadde vi lunch og naut utsikta. 

Nydeleg spekemat med tilbehør.

I det gule huset budde besteforeldra mine på Hundsnes-sida etter at huset deira brann. Herifrå flytta dei inn til Hauge der dei etterkvart bygde opp nytt hus - i mur.

 På kvelden var det grillings og kos i Lisjeneset.

Kurt arrangerte både konkurranse og leik - veldig populært.

Ka konkurranseinstinkt...

Skal tru kva som går føre seg  her...

Riddarleg

Eg har fått bestilling på eit kort til eit par. Det skulle vere i brunt og ikkje for søtt. I tillegg ville eg gjerne ha med nokre symbol som eg synest passar, kors, visjonen til Hans Nielsen Hauge og eit riddersymbol. I tillegg er der ein pin i gull. Eg likar godt å vite kven som skal ha korta eg lagar og prøver å finne fargar / ting som passar til vedkommande.
Håpar eg treff med dette.

Kult kort for kul gut

Matthew fylte 12 år forrige veke og sjølvsagt måtte eg lage kort til han. Valet fall på eit metallkort. Synest dette vart vellukka.

Kort til søte Emily

Gudedattera mi, Emily, fylte 1 år for litt sida. 

Ho måtte sjølvsagt få eit burddagskort.

 Synest dette vart fint.

Dorullkort

Eg har laga fleire dorullkort i det siste. Ein fin måte å få brukt opp litt restepapir eller ark som ikkje passar til noko. Har pynta dei litt, men vil gjere siste finishen når eg veit kven som skal ha dei.

Her kjem eit utval.

Gode rundstykker

Ved juletider kom eg over ei ny oppskrift på rundstykker og den måtte eg berre prøve. Var litt spent på den, sidan det var honning i. Rundstykka vart kjempegode.

Førre helg laga eg ein ny porsjon - veldig greitt å ha i frysaren. Tek opp nokre kvar kveld som eg har til nistemat.

Denne gongen tok eg ein 'Schakenda' - eg brukte melk rett frå kjøleskåpet. Sidan eg hadde god tid, fekk dei den tida det trongst for å heve. Deretter trilla eg ut rundstykka og lot dei heve igjen. Veldig enkelt og veldig godt. God tid må ein sjølvsagt ha. 

Her kjem oppskrifta viss ein vil prøve (fann den i eit oppskriftshefte frå Tine):

1 pk (50 g) gjær - eg 'fjuska' og brukte tørrgjær

2 dl melk skumma (eg brukte ekstra lett)

1 ts salt

2 ss honning

1/2 kg sammalt kveitemjøl, fint

1/2 kg kveitemjøl

Eg blanda alt det tørre, hadde kald melk opp i og deretter honning. Elta dette i kjøkkenmaskin til den slepte bollen (10-15 minutt). Hev til dobbelt størrelse. Del deiga i to, rull ei pølse og del opp i 12-15 emne. Rull dei til rundstykke og set dei på ei steikeplate med bakepapir. Igjen skal dei heve. Pensle med melk og dryss litt kveitemjøl over før du steiker dei. Midt i ovnen, 220 grader, ca. 10-15 min.