Gry sine kort

Dorullkort

2012-02-18T23:59:00.000+01:00

Eg har laga fleire dorullkort i det siste. Ein fin måte å få brukt opp litt restepapir eller ark som ikkje passar til noko. Har pynta dei litt, men vil gjere siste finishen når eg veit kven som skal ha dei.

Her kjem eit utval.

Gode rundstykker

2012-02-17T19:05:00.000+01:00

Ved juletider kom eg over ei ny oppskrift på rundstykker og den måtte eg berre prøve. Var litt spent på den, sidan det var honning i. Rundstykka vart kjempegode.

Førre helg laga eg ein ny porsjon - veldig greitt å ha i frysaren. Tek opp nokre kvar kveld som eg har til nistemat.

Denne gongen tok eg ein 'Schakenda' - eg brukte melk rett frå kjøleskåpet. Sidan eg hadde god tid, fekk dei den tida det trongst for å heve. Deretter trilla eg ut rundstykka og lot dei heve igjen. Veldig enkelt og veldig godt. God tid må ein sjølvsagt ha.

Her kjem oppskrifta viss ein vil prøve (fann den i eit oppskriftshefte frå Tine):

1 pk (50 g) gjær - eg 'fjuska' og brukte tørrgjær

2 dl melk skumma (eg brukte ekstra lett)

1 ts salt

2 ss honning

1/2 kg sammalt kveitemjøl, fint

1/2 kg kveitemjøl

Eg blanda alt det tørre, hadde kald melk opp i og deretter honning. Elta dette i kjøkkenmaskin til den slepte bollen (10-15 minutt). Hev til dobbelt størrelse. Del deiga i to, rull ei pølse og del opp i 12-15 emne. Rull dei til rundstykke og set dei på ei steikeplate med bakepapir. Igjen skal dei heve. Pensle med melk og dryss litt kveitemjøl over før du steiker dei. Midt i ovnen, 220 grader, ca. 10-15 min.

Kort til Charlotte

2012-01-02T14:10:00.001+01:00

Eine tantejenta mi, Charlotte, hadde bursdag i romjula. Tenkte å lage eit kult kort til henne, då eg synest det passar.

Dette er faktisk eit kort som har ei dorull-kjerne som base:-) Har pynta med Tim Holtz-greier.

Tagen har eg distressa og stempla på.

Håpar Charlotte vart like nøgd med kortet som eg vart. Var i allefall kjekt å lage noko anna enn After-8 bokser - trur eg laga rundt 20 stk til jul. Alle på bestilling.

I dag skal jula ut - i fjor på denne tida vart eg så inspirert av ei primula dame, Veronica. Ho byttar tidleg ut jula med primula - det gjorde eg med. Så også i år. Følest faktisk deileg - kanskje eg får vaska litt også før det blir for mørkt?

Ej elska London

2012-01-01T12:54:00.000+01:00

Eg er nok ein tanke anglofil (ein akseptert -fil?) - eg er veldig glad i det meste som har med England å gjere. Har tatt det så langt at eg gifta meg med ein engelskmann:-)

Og eg elskar London! Kanskje fordi eg har vore der mange gongar og kjenner byen litt, eller...

..fordi dette er ein by med massevis av alt...

folk å kike på

pubar

spanande mat

butikkar

museum (mange gratis)

interessante plassar

bra fotballag

I november reiste husbonden og eg på kjærastetur.

Ungane fekk og vere med, men dei fekk besøkje Nan & Grandad - ein vinn vinn-situasjon for alle partar.

Vi overnatta på eit billeg hotell (til London å vere) - Travellodge Covent Garden. Berre nokre få minutt å gå frå Covent Garden og mykje anna kjekt.

Rommet var stort, veldig basic, men reint og fint. Hadde fint bad, tv og vannkokar. Og god plass til handlenett. Treng ikkje stort meir.

Vi hadde utsikt mot BT-tower

og Centre Point. Greitt med landemerke så ein veit kvar ein er.

Laurdagen då vi kom, for vi rett ut og fekk oss mat; Fish & Chips og Bangers & Mash (Pølse og stappe). Deretter vart det litt shopping.

På kvelden hadde vi bestilt bord på Barbecoa - ein restaurant eigd av Jamie Oliver. Den ligg i eit nytt shoppingsenter som heiter New Change og ligg rett ved sidan av St Pauls. Vi fekk bord med utsikt mot ei opplyst kyrkje - vakkert. Maten var god +, men hadde forventa betre. Til forrett hadde vi østers (for pyser = med smak). Det var faktisk ikkje så verst.

Søndagsmorgon starta vi friskt med frukost på The Breakfast Club. Eit kjekt konsept og god mat. Herleg å sitje å drikke kaffi og lese aviser. Det er ein av tinga eg kosar meg med når eg er i London - kjenne at ein slappar av og at verden rundt er i bevegelse. Ein berre sit der med avisa og er i grunnen i si eiga vesle boble.

'A full English breakfast' sjølvsagt.

Eg prøvde meg på ein spansk variant - god den også. Her var det chorizo i staden for vanleg pølse.

Dagen var sett av til å reise på Spitalfields Market. Artig å sjå at det var lauv på trea -heime er det smått med det på denne årstida.

Spitalfields Market består av mange boder der ein kan få kjøpe bl.a. heimelaga produkt, leiker, kunst og krims krams. Ikkje langt vekk ligg Petticoat Lane Market. Her er det stort sett kle + litt ditt og datt. Vi var også innom her. Konklusjonen vår var at vi likar ikkje marked! Eg klarer ikkje å finne juvelar når det er fult av folk rundt oss. Det er greitt som ein plass å sjå på folk, men i London kan ein gjere det overalt.

På ettermiddagen møtte vi venane våre, Gry og Neil (Kva er oddsa på at to engelske kompisar begge finn seg dame som heiter Gry?). Vi spiste lunsj på Masala Zone i Covent Garden. Nydeleg god mat. Vi er alle glad i indisk mat. Vi bestilte noko som heiter Thalis - her fekk vi servert all maten på eit stort fat (eit fat pr. pers) - det skal vere slik maten tradisjonelt vert servert i India. Mange forskjellige rettar der ein vel kjøtrett sjølv. Kjempegodt.

Etterpå gjekk vi på ein liten pub som Neil viste om - det var nokre krinkelkrokar dit, men det ligg i Covent Garden. Det var koseleg at dei kunne ta turen ned til London for å møte oss.

Vi hadde bestilt middag på OXO-tower søndagskvelden kl. 21. Vi hadde allerie ete to måltid denne dagen og var slett ikkje svoltne, men vi seier ikkje nei til OXO-tower.

Eg hadde fått anbefalt denne plassen av ein kollega og vi angra ikkje.
Utsikta over Themsen var utsøkt og det var også maten. Vi hadde ein søt, fransk servitør som heldigvis ikkje var av det pompøse slaget.

Før vi gjekk inn tok eg nokre bilete av den fantastiske utsikta.

Her mot St.Pauls.

Måndagen sette vi at til sightseeing. Eg synest Tower bridge er vakker, så vi gjekk langs SouthBank. Det er ein fin plass å gå, med mykje å sjå på.

Her ligg også bygninga som huser The Mayor of London (borgarmeisteren), City Hall.

Stileg bygning.

På andre sida ser ein The Tower of London. Her finn ein kronjuvelane. Allereie rundt 1080 begynte ein å bygge dette fortet. Denne plassen har blitt brukt som fengsel, folk har mist hovudet (bokstaveleg) og fleire av hovuda blei sett opp på stake. Off.

Men ei stasleg bygning er det.

Den artige bygninga litt til høgre vert kalla 'Gherkin' etter utsjånaden. Dette er ei kontorbygning og ligg i finansområdet, The City.

Dette er ei koseleg gate ikkje så langt vekk frå Tower Bridge. Vi var ute etter ei pause og ein plass å setje oss ned.

Fann det!

Vi likar godt ei barkjede som heiter All Bar One. Der har dei deileg snackmat og masse forskjellige vinar. Vi kjøper alletider Pinot Grigio - så også her.

Dette er utsikt frå Tower Bridge. Vi løyste bilett for å kome inn for å sjå brua på innsida. Vi fekk også vite om historia til brua. Utsikta var bonus.

Her byggjer dei den høgaste bygninga i EU, 310 m - Shard London Bridge. Den skal stå ferdig til mai 2012 - klar til sommar-OL.

Heia Noreg!

Så var tida for å møte kidsa og resten av gjengen.

Vi skulle overnatte nær Gatwick - her ventar vi på toget.

'Familyen' skulle motsatt veg, altså på motsatt plattform.

Dette er ikkje flyet vårt, men likar ein å sjå på fly, er dette rette plassen. Eg kan glede meg, for eg veit at eg snart skal tilbake.

Metallkort

2011-10-16T09:51:00.000+02:00

Har sett på nokre bloggar nokre stilege metallkort - dette måtte eg prøve. Sidan Steve hadde bursdag denne veka, passa det godt å lage eit til han.
På Biltema fekk eg tak i metalltape og sånn strierull. Deretter gjekk eg i gong. Eg fekk god hjelp på bloggane til Marianne, Wenche og Tesa Tipsar.

Eg starta med å lime dei tinga eg ville på ha på kortet.

Deretter limte eg over metalltape, trykte det ned mellom tinga og for deretter over med ein skrubb for å rufse det litt opp.

Så malte eg over heile kortet med svart akryltape og tørka av det overskytande med kjøkkenpapir. Synest det vart veldig tøft.

Inn i kortet stempla eg med Tim Holtz-stempel.

Eg tek del i desse utfordringane:

StampARTic: Artsy and steampunky

Konfirmasjonskort

2011-10-08T15:32:00.000+02:00

Det er ikkje tid for konfirmasjon her på Sunnmøre i oktober, men sidan eg ryddar i bileta mine, finn eg litt av kvart. Dette vart gitt til ei sprek jente som stod konfirmant. Synest det er kule fargar og passar til ei med energi.

Eg tek del i denne utfordringa:

Bearly-Mine Challenges: 3 designpapers

A card for Ben

2011-10-08T14:51:00.001+02:00

Dette er eit kort eg laga til ein kar som heiter Ben og bur i England. Fann det då eg dreiv å rydda i bileta mine.

Eit enkelt kort, men fargerikt og fotballsentrert. Bra mix for ein fotballglad gut.

Eg tek del i desse utfordringane:

Cards for men: Sports

Anonyme scrappere: Knappar

Nokre ting å vere glad for

2011-10-07T22:11:00.000+02:00

I dag er siste dag av haustferien. Eg har vore på jobb dei fleste dagane, men i dag tok eg fri. Eg stod opp tidleg og starta å bake. Tenkte at i dag var dagen for å lage noko godt frå Morten Schakenda sine kokebøker. Eg sette bolledeig og sette i gong med 'venteprosjekt'. For ein ting er sikkert, ein lyt ha god tid om ein vil gjere det på Bakaren i Lom sitt vis.

Matthew hadde lyst på engelsk frukost i dag - han fekk ein light-versjon, men var veldig nøgd. Dette burde halde nokre timar. Kjekt å sjå han kosa seg med maten. Kanskje han øver seg til han skal på London-besøk?

På Sunnmøre er det perfekt innever - bøttevis med regn frå himmelen.

Eg har ikkje tenkt å starte som matbloggarane, med bilete for kvart steg i prosessen, men det er rart at dette..

..kan bli noko...

..så godt!

Laga nokre store - eit måltid i kvar bolle:-)

Hadde planar om å lage pizza til middag, men det vart snurrar. Greitt å ha i frysaren.

Eg kosar meg når eg bakar og det gjer meg glad. Det er og kjekt å servere fersk skulebolle til Steve som er ute og jobbar i regnveret.

I ei pause av Gøyme og leite fekk desse seg bolle. Amanda hadde laga kakao og då vart det konge å vere ute.

Elles har det faktisk gleda meg at eg fekk vaska golva og tørka strøv i dag. Blir ikkje til kvar helg det,nei.

Det får vere nok for ein dag. I morgon får eg finne på andre ting.

For å balansere alt dette gode:

1 ting å ikkje vere glad for: Kypros - Danmark 1-4 (ikkje ferdig)

Sprek boks

2011-10-05T19:37:00.000+02:00

Dei siste dagane har eg jobba med ei boks eg fekk bestilling på. Det skulle vere til ei sprek dame som likte fjell, fjøre og fine fargar! Ikkje den enklaste kombinasjonen for meg, eg har ikkje så mykje 'natur' blant scrappeytstyret mitt. Heldigvis betydde fine fargar lime og turkis - det hjalp litt på kreativiteten.

Eg håpar dama likar boksa, sjølv om ein ikkje finn verken fjell eller fjøre på den. Sommarfuglar derimot...

Kjenner eg givar rett, blir der eit kvart opp i boksa også:-)

Eg tek del i desse utfordringane:

Simon says stamp: Sparkle & Bling

Oldie but a goodie: Wings (Very old butterfly stamp)

Bestillingskort

2011-10-03T14:11:00.001+02:00

Eine tanteungen min bestilte eit bryllaupskort i sommar. Ho skulle i bryllaup til ei venninne. Eg viste at ho hadde blogg. så eg var innom der for å få nokre idear til fargar, stil o.l.

Det viste seg at invitasjonane var i lilla, så då var fargen klar.

Ein liten detalj var at brudeparet hadde akkurat samme stempelet med sine initialar som eg har 'Handlaga av' stempel:-) Mitt er bestilt på Ebay. Synest det er kjempefint.

Inne i kortet er det enkelt - synest denne teksta er vakker.

Eg tek del i desse utfordringane:

Sukkersøtt: Dekorer alle 4 sidene

Corrosive challenges: Purple pasion + one more colour

I dag skal eg bli med Tjørvåg G 11 på Aafk-kamp. Gutta skal vere ballhentarar - bli nok stas.

Gutakort

2011-10-02T22:45:00.000+02:00

Her er eit kort som eg laga til ein gut.

Av ein eller annan grunn synest eg denne korttypen passar godt til gutar.

Tøft å pynte med 50-øringar!

Litt godis må ein også ha..

No har eg haustferie og då håpar eg både å få lage litt kort og å blogge. Dei siste månadane har eg knapt besøkt ein blogg - det må vi få ei endring på:-)

Eg deltek på denne utfordringa med dette kortet:

Oldie but a goodie: One for the boys (hovudstempelet kvalifiserer).

(My main stamp, cool boy, is older than 6 months).

After 8, både før og etter

2011-10-01T21:51:00.001+02:00

Eg har laga mange slike boksar i det siste. Har i tillegg 3 på bestilling. Men dei er no kjekke å lage. Kanskje eg må ha meg nokre nye tekststempel - blir litt lei av dei samme tekstene. Får kike litt rundt.

Med dei nydelege papira frå Pion design er mykje av pyntinga gjort. Har hatt på litt perler og div,. men 'less is more' i mine auge.

Eg har bestilt stilige personlege stempel på Ebay. Det er ein seljar i Malaysia som heiter loongchai. Ca. 30 kr pr stempel og det er mange å velje mellom. Rask levering er det også. Supernøgd!

Systå mi bestilte ei boks, men ho ville ha den til te. Her er den.

Ynskjer alle ein fin laurdagskveld!

Eg tek del i desse utfordringane:

Crafts 4 etrenity: Anything goes

Allsorts: At least 5 flowers

Simon says stamp: Anything goes

Lite blogging, større produksjon

2011-09-28T17:57:00.001+02:00

Då er det over ein månad sidan siste blogginnlegg. Tida går og vi med den. Heldigvis har eg fått laga fleire ting, eg har berre ikkje blogga om det. Tenkte å få legge ut litt no.

Eg har laga ein del slike After Eight bokser i det siste. Den fyrste var det systå mi som fekk. Ho fortener noko fint til bursdagen sin, for ho er så snill.
Mønsteret til øskja har eg funne på nettet, trur det var hjå

Har ikkje mykje pynt på. Vil at papira frå Pion design og stempela skulle kome til sin rett.

Nammis!

Sidan eg ikkje har vore på bloggen i det siste, veit eg ikkje kva utfordringar som ligg ute.
Eg sjekka It's all about the vintage - dei ynskjer å sjå ei heimelaga boks, så den hiv eg meg med på. Er ikkje sikker på om dette er vintage, men papira har no eit vintage snitt over seg.

Klar til skulestart?

2011-08-15T20:24:00.001+02:00

Kvardagen har innhenta meg. Tilbake på jobb med alt det fører med seg. Veldig kjekt, men med lite overskudd til noko kreativt når ein kjem heim. Slik skal det kanskje vere rundt skulestart?

I dag starta lærarane på skulen vår - kjekt å treffe alle og starte planlegginga av det komande skuleåret.

Nokre som sikkert er klare til skulestart er alle dei som skal ta til i fyrsteklasse. Med ny ransel og penal strøymer dei til skulane denne veka. Eg gler meg til å treffe dei som skal starte hjå oss.

Som eg skreiv tidlegare i sommar, så fekk fadderguten min ein sekk frå Nille for å teste denne ut. Han hadde den med på ferie for å sjå om den var noko tess.

Det fyrste han sa var at han likte ranselen kjempegodt. Den vart prøvd på alle mogelege vis. Det var lett å justere stroppene til å passe. Sekken var god å ha på, spesielt med festinga rundt magen.

Ein kan sjølvsagt ikkje seie noko om kvaliteten før den har blitt prøvd på skikkeleg eit års tid, men slik det ser ut no er dette ein super sekk til halve prisen av dei 'etablerte' merka. Og så er denne sekkel veldig kul då.,

Vi kan med dette anbefale denne sekken, både til dei som skal ta til på skule og til dei eldste barna i barnehagen. Super tursekk.

I morgon skal eg på kurs i klasseleiing - alltid like aktuelt. Eg gler meg.

Bloggers challenge

2011-08-06T14:59:00.001+02:00

Eg kom over denne utfordringa gjennom Lisa Somerville sin blogg. Ho er ei veldig dyktig dame som gir mykje inspirasjon til min nyprøvde stil. Denne veka har dei ei fargeutfordring - grøn, lilla, brun. Eg brukte kortet på Lisa sin blogg som inspirasjon og laga dette kortet. Papiret er Basic Grey, resten er produkt av Tim Holtz.

I came over this challenge through Lisa Somerville's blog. She is a very talented lady who give loads of inspiration to my new style. This week they have a colour challenge - green, brown, lilac/purple. I used Lisa's card as an inspiration and made this card. The paper is Basic Grey, the rest is Tim Holtz.

Har brukt Rock Candy på fleire av elementa - likar veldig godt den effekten den gir. Her smurte eg og inn med ink etterpå.

Ser nesten litt ut som lær synest eg.

I have used Rock Candy on several of the elements - I love the effect it gives. On this piece I also rubbed distress ink on top.

I think it looks almost like leather,

Dei ulike tannhjula er stansa ut av ei Sizzix plate på Cuttlebug. Ja, det gjekk veldig greitt.

The different gears are cut using a Sizzix-die using my Cuttlebug. Yes, it went just fine.

Eg deltek i desse utfordringane med dette kortet:

I take part in these challenges:

Bloggers challenge: Colours ( brown, green, lilac / purple)

Kort o'mania: sitat, ordtak e.l.

Papertake weekly: Anything goes, extra: metal

10-års bryllaupsdag

2011-08-04T22:29:00.002+02:00

For litt sidan hadde mannen min og eg 10-års bryllaupsdag. Eg laga då dette kortet / tagen til han. Har ikkje prøvd meg så mykje på Tim Holtz sine teknikkar før - dette var andre forsøk. Eg prøvde forskjellige teknikkar. Eg nytta distress ink til bakgrunn. Så stempla eg 'Love' og fargela med Perfect Pearls. Deretter bløytte eg det og tørka med 'føne'. Eg synest det kom litt mykje vatn på, slik at det rann for mykje ut. Never mind. Deretter stempla eg med ulike stempel - alt Tim Holtz.

A little while ago, my husband and me celebrated our 10th wedding anniversary. I made this tag for him. I haven't tried any of Tim Holtz's techniques before - this was my second attempt. I tried various techniques. I used distress ink for my background. Then I stamped 'Love' and coloured it with Perfect Pearls. Then I wet the tag and used my fan to dry it. I thought it came a bit too much water on, but never mind. Thereafter I stamp various stamps on - all Tim Holtz.

Bokstavane, som er grundeboard, mala eg med distress og hadde på Rock Candy. Der kom nokre sprekker, men dei viser ikkje så godt på biletet.

Det var kjempekjekt å halde på med desse teknikkane - det kjem heilt sikkert fleire tag'ar herifrå.

The letters, which are Grundgeboard, I painted with distress and put on Rock Candy. It came a few cracks, but it doesn't show too well on the photo.

It was great to work with these techniques - I am sure to make more tags.

Min andre halvdel var i allefall nøgd med kortet han fekk.

My other half was very pleased with his card.

Eg tek del i desse utfordringane:

I take part in these challenges:

Simon Says Stamp and Show: A tag

The Corrosive Challenge: Manly

A spoon full of sugar: A tag

Papertake Weekly: Anything goes, optional: metal

Eg fekk nydelege roser også - synest det er så herleg når dei luktar så godt.

Ungane våre er sjølvutnevnte gjestar når vi feirar bryllaupsdag. Dei har også bestemt menyen som er den same kvart år - kongekrabbe.

Fyrst litt feiring - dette fekk ungane ikkje smake på:-)

Beste middagen ein kan få, i fylgje han her.

Jordbær og ei kake av sjokoladekjeks som eg har fått frå ei venninne frå Polen.

Top happy!

Kvar sommar prøver vi å besøkje ein ny by, berre mannen min og eg. I år vart det København sidan vi var i Danmark allereie.

Vi tok ein kringsjåbuss (sightseeing) slik at vi skulle få med oss ein del attraksjonar. Elles brukte vi mykje av tida på det det kulinariske har å by på.

Overalt i København var det plassert elefantar dekorert av div personar. Synest denne var ekstra fin.

Vi stod lenge og skulle ta bilete av den, men ein gjeng damer ynskte og å bli foreviga saman med den og dei vart aaaaaldri ferdige.

Vi budde på Hotel Alexandra i Hans Chr Andersen's Boulevard. Eit stileg hotel med små rom, men veldig sentralt beliggande.

Her kosar vi oss i sola i Nynavn.

Måtte berre ha eit bilete av dette skiltet - sikkert bra for single damer å spise her;-)

Ein fantastisk frukost med middelhavspreg på RizRaz i nærleiken av Strøget.

Sånn flaskehaldar vil eg også ha - stilig!

Det var mykje omkøyringar i trafikken - sikkert etter flaumen. Då vi kom ville GPS'en at vi skulle køyre inn her...

Eine kvelden var vi på spansk restaurant, Biscaya Tapas Bar, og åt, ja, tapas! Super mat.

Vi vart og anbefalt ein restaurant som heiter Geist. Vi fekk bord i baren der ein kan sjå på at maten vert laga. Ein stilig restaurant, med god mat og super sørvis.

Til forrett hadde vi 'Foie gras of duck and cocoa'. Dette skal vere svære greier, men eg må innrømme at det vart altfor kraftig for meg. Greitt å ha prøvd det, men det blir med denne eine gongen. Den andre forretten var scallops og det er no godt.

Til hovudrett var det det som ein kan sjå på biletet under, 'Suckling pig and baked cauliflower'. Blomkålet er den brune flekken - denne retten var fantastisk god.

Det var også 'Duck, redcurrant and carrots'.

Sånn er det å ete på flott restaurant.

Til dessert hadde vi div. ost - det var det beste med heile måltidet!

Så fekk vi sukkerspinn med på kjøpet. Ein oppleving av ein restaurant og det er akkurat det vi ynskte: opplevingar. Det er det vi hugsar.

Bingo

2011-08-04T11:15:00.001+02:00

Magnolia down under har ei utfordring som heiter 'Bingo' denne veka. Eg har valt ut 'Flowers, pearl and lace'.

Dette er eit kort som eg kosa meg med når eg laga det. Brukte papir frå Prima - veldig fine. Eg stempla med Tim Holtz stempel her og der.

Utfordringa kom når eg skulle til å pynte med blomster. Eg er ikkje spesielt 'pyntete',men kom no i mål til slutt.

Eg har nytta skissa til Oldie but a goodie. Stempelet er ein oldie - frå i fjor eller året før. Eg har maskert to stempel - jordbæret og Magnoliajenta.

Sola på besøk

2011-08-02T19:46:00.001+02:00

I dag fekk eg eit gløtt av sola, det inspirerte meg til å lage eit kort med sommarfeeling. I går og i dag har eg fargelagt fleire motiv med distress ink, dette motivet er eit av dei.

Eg turde ikkje pynte så mykje, då papiret er vel nok i seg sjølv.

Eg tek del i desse utfordringane:

Creative inspirations: Summertime

Crafty callendar: Wather theme

Anonyme scrappere: Sommar

Sketch N' Stash: skisse. (My neglected item is the hat-charm. I have had them for ages, but never used them).

Kortgleder: bruke dies

I ettermiddag har vi vore i Ulsteinvik og handla. Gjorde meg nokre varp på Mestergrønn. Kjøpte meg fleire planter og krukker.

På Nille hadde dei mange stearinlys til 70% - kjøpte nokre til samlinga. Kjekt å ha.

Eit blått kort denne gongen

2011-08-01T12:43:00.001+02:00

Det har ikkje blitt publisert så mykje kort i det siste - det betyr ikkje at det ikkje har blitt produsert. Eg har laga forskjellige ting, har berre ikkje fått laga innlegg med dei enno.

Dette kortet var eit kjapt kort laga på søndag føremiddag. Eg har ein del enkle mønsterark som ikkje går så godt saman med dei andre eg har. Dette er ein fin måte å få brukt dei på.

Blomen er spraya med Glimmer Mist - nydeleg skin på den.

Eg har brukt dei nye Spellbinder dies'ane for innsida. Enkelt og greitt!

Eg tek del på desse utfordringane:

Scrappekammeret: Eit mønsterark

Secret crafter: Monocromatic

Olsokmarkering

2011-07-30T11:04:00.001+02:00

olsok. Olavsdagen, norrønt Olafsvaka (av 'nattlig gudstjeneste før store kirkelige høytider'), kirkelig festdag, 29. juli (eg. kvelden før), Hellig Olavs dødsdag, den viktigste norske kirkefest i middelalderen. I 1930 ble olsok feiret som 900-årsfest i Verdal og Trondheim og alle landets kirker; siden 1930 har olsok vært offisiell flaggdag.

På primstavene har olsok nesten alltid en øks som merke. Dagen var en viktig merkedag for været og kornhøsten. I Hordaland ventet man et skifte i været da. Våt olsok varslet våt høst, fin olsok varslet godt høstvær. Var det kaldt, kom kornet til å fryse, het det i Salten, og som været var olsok, ville det bli vinternettene, sa man på Sunnmøre.

Store Norske Leksikon

Det var vel ikkje den tradisjonelle grunnen til at vi møttast i Lisjeneset denne gongen. Vi hadde besøk langvegsfrå og ville gjerne samlast. Tantene og nokre av syskenbarna var der og.

Vi kosa oss med grillmat, kake og vafler.

Nokre tøffingar hadde vi og blant oss. Dei tok sjansen på å bade i det heller kalde vatnet.

Kaldt....

Ny sekk til sommarturen

2011-07-29T12:31:00.000+02:00

Sjå flotte sekken som fadderguten min fekk med seg på sommarferie. Det er Nille som har nokre flotte skulesekkar, som også kan brukast til feriesekk. Fadderguten min skal ikkje ta til på skule før til neste haust, men eg tenkte denne var super for han no også.

Flott at den har regntrekk - trur vi treng det heile året.

Sidan han er ein ekte fotballgut, passa sjølvsagt motivet perfekt. Og kanskje det beste - prisen ... under 200 kr! Slå den.

Det blir kjekt å høyre korleis han synest gåva var. Kanskje må vi på Nille å kjøpe anna skuleutstyr slik at vi kan leike skule eit års tid? ;-) Dei har i allefall mykje fint.

Vi har fått ein Kompis

2011-07-25T14:32:00.000+02:00

Ein fin, liten, brun ein. Typen er rosettmarsvin og han (eller ho;-)) er kjempesøt. Det var bursdagsgåva til jenta i huset. Ho ynskte seg laptop, marsvin eller geit! Vi vurderte alle tre forslaga og enda med marsvinet.

Kompis likar veldig godt jordbær og vannmelon, så han passar perfekt inn i familien.

Det å ha eit dyr inneber mykje ansvar for eigaren. Sofie har ikkje vore like begeistra når ho må plukke opp bæsj eller tiss, men det og høyrer med.

Små gleder på bygda

2011-07-24T22:19:00.000+02:00

I dag har kongeskipet ankra opp i Tjørvågane. Det er ikkje kvar dag vi har så prominente båtar inn på vika, så ungane og eg tok oss ein tur for å sjå på båten til Kongefamilien. Midt i skoddeeimen låg den.

Vi fekk tatt nokre bilete, men skodda kom sigandes og med eitt var skipet heilt vekk.

Det har vore skodde stort sett i heile dag. Familien tok turen til Hornseten . Det var ein fin tur til trass for tidvis dårleg sikt.

Lukka er blåbær på strå.

Ungane er litt 'kvakk-kvakk'. Har ikkje meir moro enn ein finn på sjølv.

Vi brukar å ta familiebilete på dei fleste toppane vi går på. Desse bileta er nokre av dei kjekkaste bileta våre. Sjølvutløysaren på kameraet er god å ha.

Etter fjellturen tok vi oss ein tur på Herøy Fritidsbad. Det var ein herleg slutt på utflukta vår.

Berre trist

2011-07-24T11:29:00.000+02:00

Det som har skjedd i Oslo og på Utøya er så ufatteleg trist. Så mange unge menneske som måtte oppleve ei slik frykt.Sjølv om eg ikkje er direkte berørt, er vi alle berørte. Tankar og bilete dukkar ofte opp -korleis kan det då vere for dei som opplevde det?

Eg tenkjer på dei som ikkje fekk heim sin kjære og på dei som no har tunge dagar føre seg. Eg håpar dei kan få all den hjelp dei har behov for.

Mørke kan ikke drive ut mørke,
bare lys kan gjøre det.

Hat kan ikke drive ut hat,
bare kjærlighet kan gjøre det.

~Martin Luther King jr~

Summertime?

2011-07-04T08:00:00.002+02:00

Skal tru om denne søte jenta med blomster kjem med korga full av sommar? Det hadde ikkje gjort noko.

I går var vi på fotball-cup i Stordalen. Då fekk vi kjenne på sola - deileg. Gutane gjorde det godt og vi hadde det kjekt.

Inn i kortet har eg nytta 'Butterfly' punch frå Martha Stewart - no er den øydelagd. Veldig irriterande då eg synest den er så anvendeleg. Må nok til å kjøpe ein ny.

Det er mange utfordringar som etterspør sommar denne veka. Eg er med på desse:

Bearly mine challenge: Summer is here

Scrappekammeret: Sommer

Secret crafter: Here comes summer

MAWTT: Here comes the summer

Den store dagen

2011-07-03T23:05:00.001+02:00

Anonyme scrappere har 1- årsdag og har i den anledning ei utfordring / blogghopp. Temaet er den store dagen. Jenta mi er 13 år i morgon og det er ein stor dag. Eg har laga ei 'eksplosjonsboks' til henne.

Fann nokre gamle bilete av henne og blanda det med litt pynt og tekststempel.

Ville ikkje ha så mykje pynt, synest papira frå MME var veldig dekorative. Passa fint til prinsessa mi.

Det andre av dei lilla

2011-07-03T21:41:00.001+02:00

Her kjem tvillingkortet til 'lilla overdose'. Både motiv og papir er av Gudrun Loennecken. Blomane har eg bestilt frå Wild Orchid Crafts. Der har eg og kjøpt ein fantastisk lim - Collall all purpose glue. Den limer veldig godt, men ikkje før du har fått retta på både papir og blomar. Kan i allefall ikkje skulde på limet viss det ser litt skeivt ut.

Anbefalast!

Eg tek del i desse utfordringane med kort nr 2:

Vintage udfordring: bruk minst 3 dies/puncher (eg har brukt 3 MS punchar: Traditional scallop, Layered arches og hjørnepunchen til layered arches)

Kort o mania: Anything goes

Dorullkort

2011-07-03T21:10:00.000+02:00

Har sett slike kort på fleire bloggar og fekk lyst til å prøve. Det var veldig kjekt med noko anna. Kjem til å lage fleire. No har eg samla dorullar til å lage mange.

Dette kortet fekk læraren til dattera mi - trur det fall i smak.

Eg tek del i desse utfordringane:

Cards for men: Stars (er veldig glad for stjernepunchen eg har kjøpt - synest den er tøff.

Stjerneknappane kjøpte eg på knappemarkedet i Pusan).

Allsorts: Free and easy

Jonsokfeiring

2011-07-03T01:58:00.000+02:00

Det blei ikkje mindre enn 3 jonsokfeiringar i år. Torsdag på skulen i regi av idrettslaget, fredag i Kalveneset og laurdag i Lisjeneset.

I Kalveneset har vi tradisjon med fantetog, bryllaup, bålbrenning m/heks og natt-fotball. Spesielt fotballkampen er populær - vi spelar vaksne mot barn. Ofte kjem det forsterkingar frå andre grender, slik også i år. Som de ser er og dei finare damer frå Kalveneset med.

I Lisjeneset er det 'familiefeiring'. Både store og små samlast for å grille og drøse. Det var til og med skipa til tombola. Nokre prøvde og fiskelukka - småtorsk var det dei fekk på kroken.

Vi hadde ein fin laurdagskveld, men det var ikkje spesielt varmt. Likevel var det nokre våghalsar som ville bade. Dei var nesten like kjappe opp av vatnet som dei var i vatnet, men tøffe er dei.

Dette er ei veke sidan, sommarvéret let fortsatt vente på seg. Meldingane er dårlege framover, men dei har eg bestemt meg for å ignorere:-)

Lilla overdose

2011-06-19T18:03:00.001+02:00

Eg har laga to kort av samme skisse. Dei vart sjølvsagt noko like då eg brukte lilla kartong og dei fine papira 'grace' av Gudrun Loennecken på begge. Likevel vart dei no ulike også. Var i grunnen kjekt å lage parallellkort. Skal publisere det andre kortet i morgon.

Eg deltek på desse utfordringane:

Wild Orchid Challenge: skisse

Scarp creation: Anything goes

Delightful sketches: Anything goes

Sketchy Colors skisse

2011-06-17T23:54:00.000+02:00

Denne gangen har eg laga eit kort ut i frå ei skisse. Det er ei god stund sidan eg gjorde dette sist. Det var kjekt, men eg kjenner også at ein blir litt butten av slike skisser og resultatet blir ikkje alletider slik ein hadde tenkt.

Dette kortet vart vel søtt etter min smak, men slik vart det no.

Elles let sommaren vente på seg. Fin unnskyldning for å sitje inne å lage kort;-)

Eg deltek i desse utfordringane:

Sketchy colors: skisse
Scrappekammeret: 2 forskjellige band / blonder
Bearly Mine: Anything goes
Carisma cardz: pink, green

Bryllaup

2011-06-13T19:58:00.000+02:00

Bryllaupskort er kjekke å lage. Det å kunne lage noko ekstra flott til ein å spesiell dag er fint. Dette kortet skulle sendast sørover, håpar dei vart nøgde.

Desse mønsterpapira er blant mine favorittar. Dei kjem frå ei blokk som heiter 'Ella Blue' - nydelege. Det søte motivet er LOTV.

I dag har det vore veldig fint vér her på Sunnmøre - endeleg ein dag med sol. Det gjer godt å få vere ute og kjenne kroppen syge til seg energi.

Eg tek del i desse utfordringane:

Anonyme scrappere: Bryllaup

LOTV: Anything goes

Stamp something: Something punshed

Pink Gem: Flowers & charms

Konfirmasjonskort

2011-06-12T15:18:00.000+02:00

Her er eit konfirmasjonskort til ein gut. Eg likar faktisk å lage kort til gutar / menn, men er litt usikker når det kjem til pynting. Synest oftast at 'less is more'.

Her har eg nytta eit gammalt stempel frå 'Pink Gem Design'. Synest dette er eit fint stempel på herrekort.

Inni har eg laga til så ein kan legge pengar eller ein tag.

Eg deltek på desse utfordringane:

Oldie but a goodie: Lots of layers + old stamp

Everybody Art Challenge: distress

Papertake Weekly: Anything goes

Secret crafter: A male card

Litt kort, eller?

2011-06-12T13:17:00.000+02:00

Tenkte det var på tide med litt aktivitet her - er greitt når eg skal sjå tilbake på blogglivet mitt:-)
Eg har laga ein del kort som eg ikkje har publisert enno. Satsar friskt no. Ute er det grått og trist, fin fint vèr til å blogge litt.

Dette kortet laga eg til fadderguten min, Alexander. Eg har laga fleire av denne typen kort - synest det er kjekt og det går relativt kjapt.

Eg tek del i desse utfordringane:
Scrap-Creations: Birthday
Kortgleder: 5
Nordsalten-hobbyklubb: Barnebursdag

No skal eg sette meg ned å gjere ferdig to kort til to flotte kollegaer som skal gå av med pensjon.
Ynskjer alle ei fortsatt god pinsehelg.

På heimtur

2011-05-07T22:47:00.000+02:00

Når ein har det kjekt, går tida fort. Det har det gjort denne gangen også. Vi har fått vore med på og sett så mykje. Fulle av inntrykk skal vi reise heim i takksemd for det vi har fått vere med på. Vertskapet har vore fantastisk og tatt oss med til plassar vi ikkje naturleg ville oppsøkt.

Måndagen starta tidleg - litt over kl. 05 reiste vi frå Busan.

Terje hadde bestilt bilett til Seoul for oss, så det var berre å sjekke inn. Heldigvis kunne vi sjekke inn bagasjen heilt til Oslo.

Frå Busan til Seoul reiste vi med Korean Air.

Igjen var det eit fullt fly på den lange turen mellom to verdsdelar.

Flyturen gjekk fint. Då vi tok av frå Seoul, var retninga sør. Noko merkeleg sidan vi skulle nordover. Kanskje det har noko med at Seoul ikkje er så langt vekk frå grensa til Nord-Korea og at ein ikkje vil ta nokon sjangsar? Turen tok vel 9 timar.Tida gjekk med til å lese, løyse kryssord og prøve å sove litt. Det er og filmar ein kan sjå på, men det var veldig vanskeleg å høyre så det droppa eg fort.

På mesteparten av turen var det overskya, så eg fekk ikkje sett så mykje. På skjermen i stolryggen foran kunne vi fylje ruta til flyet. Det overraska meg at vi flaug så langt mot nord, faktisk heilt opp mot Nordishavet.

Her er vi komne til Helsinki. Det feira vi med ein lien Cava og sandwich. God kaffi hadde dei også.

Det er godt vi ser blide ut her, for vi skulle få eit anna uttrykk etter kvart...

Vi viste at tida ville bli knapp då vi kom til Oslo. Dette skuldast at Finnair hadde endra flytidene sine, slik at vi måtte vente 2 timar lengre i Helsinki enn berekna. Vi viste dermed at det skulle holde hardt å rekke flyet til Vigra, men vi var gira på å prøve. Anita ordna med Cecilie at ho kunne kome på Gardermoen å møte oss. Planen var då at ho kunne ta i mot bagasjen vår og sende den med nattbussen. Då kunne vi klare å nå flyet. MEN flyet frå Helsinki vart seine. Fyrst var det overbooka og når vi endeleg kom oss på rullebana, oppdaga dei at vi mangla ein passasjer og måtte dermed ta av bagasjen til denne person. På toppen vart det bestemt at det skulle takast ekstra sikkerheitssjekk! Jaja. Vi trudde no fortsatt at vi hadde ein sjangs.

Så då vi kom til Oslo var vi kjapt ute og klare til å hente bagasje. Trur du det var så enkelt? No startar sytinga:

Bagasjen lot vente på seg - minst 20 minutt. Då fekk vi beskjed om at den kom på eit anna band. Vi fekk tak i koffertane våre, vel Anita og eg. Bente sin let vente på seg. Då innsåg vi at vi ikkje rakk flyet.

Dermed var det berre å kjøpe seg ny flybilett - over dobbelt så dyr som den opprinnelege. Vi valte det selskapet som hadde fly fyrst. Norwegian var dessutan billegare. Då var det å sjekke inn koffertane. På dette tidspunktet var vi slitne, trøytte og litt leide. Kva måtte då dukke opp? Jau, kva med 3 kg overlast? På dei andre flygingane var grensa 23 kg, men på denne flyginga var det 20 kg. Heldigvis passa dama i innsjekkingsskranken på at eg hadde for mykje og at ho var profesjonell nok til å ikkje oversjå at foran henne stod ei som hadde reist lang og lengre enn langt og eigentleg berre ville heimatt og som drog kortet og betalte 195 kr utan vilje til å diskutere (eg følte meg like dårleg som denne setninga). Eg har fått ein teori om at ein mann ville ha vore meir medmenneskleg, men har ikkje tenkt å prøve det ut på ei stund.

Vel, vel. Vi var nesten heime. Flyet skulle gå snart og vi gjekk mot utgangen. Andre skulle tilbake i militæret og kom med fly frå Hovden. Vi fekk prate litt med han før han for avgarde.

Klokka vart 21 og intet Norwegian -fly var i sikte. Ny beskjed at kl. 22 skulle det gå eit fly:-( Flyet til SAS gjekk og vi sat der å venta. Ein ting er det å kome seg til Vigra, men vi skal no vidare og. Vi innsåg at vi ikkje rakk siste hurtigbåt og dermed måtte PM kome til Vigra å hente oss.

Kl. 22.30 klarte dei å finne eit fly til oss og vi kom oss trygt til Vigra.

Etter å ha vore over eit døgn på reise var det kjempegodt å kome heimatt og få legge seg.

Champagne-brunch

2011-05-07T21:39:00.000+02:00

Den siste dagen i Korea skulle vi på champagne-brunch. Det var også på Novotel.

Fyrst fekk vi forsyne oss av ein buffet med mykje godt - spesielt sushi.

Eg likte ekstra godt tunfisken.

Etter buffeten var det suppe - vi tok skogsoppsuppe. Nydeleg god.

Til hovudrett kunne ein bl.a. velje mellom biff eller..

..kongereker som eg tok. Det var eg glad for, for dei var veldig gode.

Ikkje verst utsikt.

Til dessert vart det også mykje å velje mellom. Eg smakte ikkje på så mykje, så dette kan ikkje vere mitt fat :-)

Need no words

Vi gjekk langs stranda og Bente og eg kunne ikkje motstå desse.

Heilt sidan vi kom til Korea rølte Bente og eg av at vi skulle gå trappene opp til leiligheita. Siste kvelden måtte vi til pers. Vi tok heisa ned, med forventning om kaffi og kaker rundt etg.21. Der var det ingen.

Vi overraska nok dei andre, både med at vi klarte det og tempoet. Trur vi brukte 12 minutt.

Utsikt frå soverommet mitt.

Stor byggeaktivitet. Ganske fantastisk å sjå desse høge bygningane med heisekran på toppen.

Litt langt ned, men ikkje så ekkelt som eg frykta.

Måtte berre ha med eit bilete av den utstrakte bruken av duppedingsar. Alle hadde og styra med eit eller anna teknisk uansett kvar ein var. Eg er over middels interessert i slikt, men dette overgikk det eg trudde var mogeleg.

Samsung er eit koreansk firma og eg såg at dei var store her.

Fotpleie

2011-04-24T15:19:00.000+02:00

Etter ein regnversdag var det godt med sol igjen. Her ved blokka til Marit og Terje bles det godt, men når vi kom bort til Haendue beach vart det noko heilt anna -eit teikn på sommar. Vi gjekk langs heile stranda og såg på barnefamilier, kjærastepar, eldre, yngre og dei midt i mellom. Alle kosa seg i varmen. Nokre fyrar hadde kasta det meste av kle og var ikledd berre stringtruse! Show off med andre ord.

Her er Novotel der vi har spist sushi to gongar og skal tilbake på champagne brunsj på søndag.

Veldig mange koreanarar er varsame med å få farge i ansiktet. Då er desse store bremmane gode å ha.

Her nyt vi sola og litt brus. Vi vart faktisk solbrende.

På veg tilbake til leiligheita stoppa vi på eit bakeri og kjøpte kaker. Jordbær kjøpte vi også. Sidan vi er blitt godt vande, vanka det også champagne til.

Så var det tid for fotpleie. Vi hadde fått time alle tre og det gledde vi oss veldig til. Skulle både skrubbast, masserast og lakkast.

Her er eit førbilde av ein av oss.

Deilege massasjestolar.

Her ser du mitt resultat - supernøgd. Det blir kun sandalar heretter.

Til middag skulle vi ete Galbi. Det er ribbekjøt av storfe eller gris. Vi plukka ut dei pakkane vi ville ha og gjekk opp ei etasje for å få bord.

Galbi grillar ein sjølv ved bordet. Nede i bordet er det eit hol der dei set ei grillpanne med ei rist over. Så er det berre å setje i gong å grille.

Vi fekk mykje forskjellig tilbehør.

Det var nydeleg god mat og her ser de tre nøgde damer.

Vi avslutta kvelden med ein tur på bar.

Eksklusiv shopping

2011-04-24T10:00:00.001+02:00

I dag pøsa det ned med regn. Vi bestemte oss derfor for å fare på eit shoppingsenter. Anita ville gjerne sjå på ei veske ho hadde lyst på.

Vi fekk sjå ein ting til av verdas største - shoppingsenteret Shinsegae. Her hadde dei mange eksklusive butikkar og vi var innom både Burberry og Mulberry for å sjå på vesker. Ikkje heilt min stil eller prisklasse, men å sjå var gratis. Dei som jobbar der har på seg hanskar så det det ikkje skal kome flekkar på veskene. Det vart ikkje handel denne gangen.

Vi kjøpte der i mot sko. Eg kjøpte conversesko og Anita og Bente kjøpte joggesko. Endeleg eit par som passa meg. Er sikkert herresko, men det er like greitt for meg.

Sidan vi hadde hatt ein sein frukost, tok vi berre litt frukt til lunsj.

Til middag reiste vi til ein indisk restaurant. Det var nydeleg godt.

Silkeband i massevis

2011-04-23T17:26:00.000+02:00

I dag har vi vore i ein kortlagar sin 'heaven'. Vi for til blomstermarkedet og der hadde dei berre sååååååååååå mykje silkeband. Eg kunne ha kjøpt heile butikken. Må innrømme at eg kjøpte ein del og det var berre så billeg. Fantastisk. Skulle gjerne kjøpt meir.

I tillegg hadde dei sjølvsagt massevis av blomar. I alle fargar og fasongar. Fantastisk nydeleg.

Desse vil eg ha med Steve:-)

Heaven...

Etter blomstermarkedet reiste vi til Busan museum.

Her fekk vi eit innblikk i historia til Busan.

Det er ganske fantastisk å tenkje på at på 1950-talet budde der ca. 200 000 menneske her. Som fylgje av Korea-krigen flytta det ca. 1 mill. menneske hit. No bur her vel 4 mill. menneske!

Nydelege hagar utanfor museet.

Etter museumsbesøket tok vi ein tur til FN-kyrkjegarden. Her ligg dei allierte sine falne under Korea-krigen. 2300 i talet.

Det var 3 norske som fall under denne krigen, 1 av dei ligg gravlagd på denne kirkegarden.

Gulldekk er eit must;-)

Til lunsj hadde voi vietnamesisk mat - veldig godt.

Vi sat ute då det var ganske fint ver, men det blåste bra.

Her er 'fangsten' min frå blomstermarkedet.

Då vi kom heim bar det rett i 'stampen' som Marit kallar det. Nydeleg å skrubbe seg og gå i det varme vatnet. Varme og raude kom vi opp. Vi fekk forespørsel om vi ville gå på Novotel å ete sushi. Det ville vi sjølvsagt.

Etter sushien for vi til ein bar. Her spelte vi dart og kosa oss.

Her ser du premien som Terje vann på pilkast - 5 treff av 5 mogelege!

Bente traff Bull's eye! Sjå kor nøgd ho er.

I Korea kosar dei seg med steikt spagetti saman med eit glas øl. Det var faktisk veldig godt.

Den store kulturdagen

2011-04-22T16:17:00.000+02:00

I dag har vi hatt oss ein kongetur - i ordet si rette meining. Vi har vore å besøkt senteret for Silla-dynastiet. Det finn vi i Gyeongju. Silla-dynastiet var gjeldande frå år 57 f.Kr til år 935 e.Kr.

Her er inngangen til ein 3 km lang tur fram til eit tempel som heiter Seogulam grotto. Det er eit av verdensarv tempela i Sør-Korea. Det er og sagt at steinfiguren her er ein av dei best utførte i Korea, om ikkje i Asia. Om morgonen når sola står opp, skin den inn i grotta og lyser opp ein kjempestor Buddah. Steinen er dregen ifrå kysten heilt opp gjennom dalen der tempelet er. Det var desverre ikkje lov å ta bilete inn i grotta, så eg kan ikkje vise noko derifrå.

Vi møtte vanvittig mange skuleklasser og mange av barna såg litt rart på oss og ville gjerne helse. Det har blitt mange 'Hello' i dag.

Her er tempelet som ligg nydeleg til i fjellsida. Også her gjer ein seg klar til Buddah sin bursdag - lanternene er allereie komne opp.

Her er delar av den opprinnelege grotta som er lagt ut.

Dei har bygd eit lite tempel foran grotta for å bevare skatten.

Etter ein del trasking, var det godt med kaffi. Marit er alle tider godt budd, så vi fekk både kaffi og kjeks.

Neste stopp var tempelet Bulguk-sa tempelet. Her er vi foran inngangen.

Desse fryktingytande figurane vaktar over inngangspartiet.

Dette tempelet vart bygd ca år 551og vart brent ned i 751. Totalt 80 bygningar brann ned og 10 er oppbygd i dag. .

Her ser de eit stupa (pagode) som ligg inne på plassen til Bulguk-sa. Ein stupa er eit frittståande tempel. Denne heiter Seokga-tap.

Saman med denne, Dabo-tap, er dette rekna for noko av det finaste frå Silla-perioda. Dei er laga av granitt og representerer det motsatte. Denne er 'damedelen'.

Terje byggjer ein stupa.

Lunsjen - bibimpap. Det består av ris, grønsaker og egg som er miksa. I tillegg fekk ein div. pickles og er ganske godt.

Denne store klokka finn ein ved Gyeongjo Nasjonal Museum. Den heiter 'Devine Bell of King Seongdeok', men er like kjend som 'Emille Bell'.

Legenda seier at Kong Gyeongdeok bestilte ei klokke med den beste klokkemakaren i landet. Kongen døde før klokka var ferdig. Når dei skulle prøve klokka fyrste gongen, ville den ikkje ringe. Dei støpte den omatt og då dei skulle prøve den, brotna ho. Etter fleire forsøk hadde øvstepresten i tempelet ein draum; dragen for ild måtte godgjerast for at klokka skulle virke skikkeleg. Ei jente som var fødd i dragen sitt år, månad, dag og time måtte kastast i støypemetallet. Dette gjorde dei og då klokka slo, brotna ikkje den nye klokka. Klangen frå klokka høyrast ut som eit barn sin såre gråt etter mora - emi eller emille.

Som før nevnt, var det mange skulebarn på ekskursjon - også ved museet. Her ser de ein gjeng som får informasjon.

Gyeongjo Nasjonal Museum

Vi har sett mange nydelege Magnoliatre. Her er ein lilla variant.

Neste stopp var Anapji. Dette er ein innsjø med tre øyer som Kong Munmu fekk laga til. Her vart det samla mange eksotiske planter og dyr. Plassen er no restaurert og ein har bygd opp bygningar i typisk stil.

Det siste stoppet i Gyeongju var Daeneungwon. Her finn ein den største samlinga av kongelege gravkammer frå Silla-tida. Heile 23 er der. Ei av dei kan ein gå inn i. Dei har laga til korleis det såg ut inne i eit slik gravkammer.

Vi har sett mange flotte bygg her i Korea. Her eit som er merkeleg.

Myndigheitene i Korea er velviljuge til å bygge vegar. Litt å lære for dei norske myndigheitene?

Vi stoppa ved Daebon for å 'sjå' på undersjøgrava til kong Munmu. Her fekk vi sjå eit artig syn. Mange menneske samla tang for å tørke. Sidan det var ganske store bølger var det fleire som fekk seg ei bløyte.

Dette er Korea si einaste undervannsgrav. Ein meter under vannskorpa ligg ei stor steinhelle som utgjer grava. Grunnen til at kongen ville gravleggjast her, er at han ville kome tilbake som ein drage slik at han kunne forsvare landet sitt mot inntrengjarar.

Hadde lyst til å ta bilete av 'vanlege' hus, men det var ikkje så lett å vite kva som var hus og kva som ikkje var det. Her er noko av resultata. Dette var på landsbygda og som ein ser er ikkje standaren veldig høg. Trur nok ikkje dette er representativt for heile Korea.

Vi køyrde på ein smal veg heilt ned ved kysten. Der køyrde vi forbi folk som hadde fanga tang og dreiv å la den til tørk. Tang er ein viktig bestanddel i det koreanske kosthold. Personleg synest eg ikkje det er veldig godt, men det er etandes.

På denne turen i krinkelkrokar fekk vi også sjå verdas største skipsverft, Hyundai i Ulsan.

Her ligg store tankarar som har vore på prøvetur, klare for å fare tilbake på verftet.

I gatene har førebuingane til lokalvalget starta.

I Ulsan ligg også verdas største bilfabrikk, Hyundai Motors. Her produserer dei ca 5000 bilar pr dag!

Vi var ganske slitne etter ein innhaldsrik dag og gledde oss til å kome tilbake til Busan. Vi var svoltne og Terje hadde pønska ut ein plan. Vi køyrde til eit område som heitte Gijang. Der parkerte vi og gjekk mot eit fiskemarked. Der hadde dei store tankar med kongekrabbe. Terje plukka ut to som vi skulle ha. Dei blei lagt rett i kokande vatn medan vi gjekk inn på noko som ikkje likna nokon restaurant. Vi gjekk opp fleire trapper og vart vist til eit lite rom.

Her ser du oss i vårt eige avlukke med varme i golvet. Fyrst åt vi litt smårettar som dei brukar å kome med. Deretter kom dei med krabba. Den var berre fantastisk god.

V-teiknet, som her står for victory, er veldig utbreidd her i Korea. Det brukar dei 'heile tida'.

Vi fekk og ris med grønsaker i skjell.

Anita vart utfordra til å halde ei krabbe og det tok ho på strak arm.

Markedsdag

2011-04-20T10:00:00.002+02:00

I dag var det den store markedsdagen. Fyrst køyrde vi til Jin-markedet i eit område som heiter Seomyeon.

Der finn ein det store tøymarkedet. Det var ulike stoff og klesplagg i alle variantar, overalt ein kunne sjå.

Godt i blanda med dette fann ein boder med kims krams. Noko som har imponert oss er all den flotte plastikkmaten dei har. Her får ein eit godt inntrykk av kva ein bestiller. Eg tullar ikkje.

Tørka fisk er ein naturleg del av eit marked.

Skal det vere sko eller fisk?

Det er og ei stor avdeling for hambok.

Fantastisk fine drakter.

Anita fann prinsessekjole til vesleprinsessa si. Blir nok ei nøgd jente på Dal.

Bente då! Kva er det du gjer?? Prøvar dongeribukse midt i butikken, vel. Heilt naturleg det.

Marit har fått seg sydd ein nydeleg kjole av silkestoff.

Syerska var ei bestemt dame, men det var veldig fint arbeid.

Tid for lunsj. Det inntok vi på ein koreansk cafe like ved Piff-square. Alle spiste innbakt svin med salat, ris, kamshi og ei suppe. Maten var veldig god, men suppa vart ingen favoritt.

Vi måtte og prøve litt gatemat. Anita kjøpte ei ei kake som dei fylte med div. frø og sukker / kanel. Godt spisande for oss godterauer.

Etterpå var det tid for eit nytt marked - Gukje marked. Der hadde dei masse ditt og datt. Fekk kjøpt nokre smågåver som dei heime skal få.

Så skulle vi og ta ein tur innom fiskemarkedet som også ligg i Jung-gu området. Her ser de inngangen til fiskemarkedet.

Her finn ein alt mogeleg av sjømat. Eg var redd det skulle stanke der, men det lukta berre fisk. Fekk dermed puste gjennom nasa også.

Nei, det er ikkje det du trur. Det er sjøpølser.

Blekksprut.

Ål er veldig populært og ein finn mange tankar stappa med ål.

Det har eg ikkje lyst å spise, men eg kjøpte faktisk ei lommebok av åleskinn! Skinnet var veldig mjukt og deileg.

I samme område ligg også Busan Tower. Dette er 120 meter høgt og ein får eit imponerande oversyn over heile byen. Fyrst her såg eg kor stor byen er. Det bur omtrent 4 mill. menneske i Busan og ein treng ein del høghus til det.

Det store huset i midten Jagalchi markedet , fiskemarkedet.

Busan er den største kontainer hamna i Korea og den 7.største i verda. Utanfor byen ligg det støtt mange store skip klare til frakt.

På tøymarkedet var det og mange boder der dei sel knappar. For ein kortlagar var dette eldorado.

Endo meir eldorado vart det når eg kom til silkebanda. Kjempefine og veldig billeg. I tillegg var Marit snill og ga med nokre av hennar band.

Då vi kom tilbake etter 8 timar med utflukt, var det tid til spa. I bygget her har dei eiga 'do it yourself' spa. Her får du desverre ikkje bilete, då vi var ikledd Eva's drakt;-)

Fyrst skrubba vi heile kroppen og dusja. Deretter la vi oss i eit godt og varmt boblebad. Det var og eit kaldare basseng (ca. 20 grader) og eit varmt basseng (ca 42 grader). Det var veldig godt å prøve alle tre. Dei har og badestue og eit steamrom, men det fekk vi ikkje tid til å prøve. Vi skulle nemleg ut for å ete middag.

Vi for til New Town for å spise shabu-shabu(hot pot). Det var fantastisk godt. Det er ei suppe med litt grønsaker og krydder i. Vi får tynne skiver med kjøt som vi har opp i suppa. Det vert kokt så fort så det. Suppa var hot, hot, hot. Vi svetta like mykje her som i det varme badet.

New Town.

해동용궁사

2011-04-19T02:16:00.000+02:00

Måtte ha med litt koreansk skriftspråk også. Språket kallar dei hangul.

I overskrifta står det Haedong Yonggung. Det er eit tempel til ære for havguden og ligg litt aust for Busan.

Rundt heile området dreiv ein å sette opp stativ for å henge lys på. Dette gjer dei fordi det snart er Buddah sin bursdag og då skal det pyntast med lanterner. For mine bilete er det derimot veldig skjemmande, men slik er det no eingong. Blir heilt sikkert fint når dei får opp lysa.

Ved tempelet finn ein og mange Buddahfigurar frå ulike faser.

Det skal bety lukke å stryke Buddah på magen - det er lov å håpe...

Vi fekk sjå at folk ba i tempelet og utførte ritual.

Sør-Korea har over 10000 tempel. Buddhisme og kristendom er dei største religionane her.

Det som ser ut som hakekors, betyr rett og slett attraksjon.

Her sit dei å lagar til lysa.

Cherry blossom har nettopp vore og fortsatt er det nokre kirsebærblomar igjen på trea. Nydeleg!

Sånne fotballstolar vil eg og ha. For tungt å ta med heim?

Etter tempelbesøket åt vi lunsj og so for vi til eit lite marked. Her hadde dei masse forskjellig. Store og små tankar med levande fisk, krabber og hummar. Eg tok ikkje med kameraet, så eg har ingen bilete her ifrå. Trur vi skal på eit nytt marked i morgon.

På veg til dette markedet kom vi over ein skobutikk. Det var bra for nokon. Det har seg nemeleg slik at ikkje alle av oss kan rekne med å finne kle og sko som passar, men Bente kan. Til gangs! Her ser de resultatet etter 30 minutts 'arbeid':

Eg kjøpte ein triveleg Buddah i gåve.

Her er ei kake som dei selde ved tempelet. Den lukta som nysteikte vafler. Det er deig som er kokt i olje med bønnepure!! inn i.

Dagen vart avslutta heime med middag og frisk frukt.

Bryllaup

2011-04-18T11:21:00.000+02:00

I dag fekk vi vere med på eit koreansk bryllaup. Det føregjekk på eit såkalla 'Wedding house' der det er fleire etasjer med vigselsrom. I nokre av etasjene er det restaurant, slik at etter seremonien får ein ein bilett som gir ein tilgang på ein stor buffet.

Det var ein av Terje sine kollega, Im, som gifta seg. Når vi kom stod han å helsa på gjestane medan den blivande fru, Yoon, sat inne på eit lite rom og vart fotografert av dei som måtte ynskje det. Ho sat rett og slett på utstilling.

Mødrene til brudeparet hadde på seg tradisjonelle koreanske drakter, hanbok.

Sjølve vigselen var det virkeleg fres over. Vi forstod sjølvsagt ikkje kva det vart snakka om, men kroppsspråk og musikk m.m. hjalp til. Av uvante element i høve norske bryllaup kan eg nemne at brudgommen kraup foran både svigermor og si eiga mor. Dette er eit teikn på takksemd.

Han måtte også ta armhevingar med bruda på ryggen - for å vise styrke. Det går som regel greitt sidan koreanseke kvinner er spebygde og relativt lette. Ikkje sikkert den skikken hadde passa så godt i Norge;-)

Elles var det mykje lyd, lys og klapping. Der var ei dame som spelte fiolin og ho var kjempeflink.

Etter vigselen var det tid for fotografering. Brudeparet hadde allereie tatt masse bilete som var hengt opp før vigselen. No var det mest familiebilete og bilete saman med kollega. Både Marit og Terje var med på bilete.

Etter vigselen var det som sagt mat. Massevis av mat og massevis av folk. Sidan alt stod på koreansk er det ikkje lett å vite kva vi åt i dag, men vi var flinke til å prøve.

Vi vart og introdusert til ein drikk som heiter Soju. Dette er ein veldig populær drikk i Korea. Det er ein veldig svak sprit. Ikkje vond å drikke, men heller ikkje spesielt god, synest eg.

Etter maten brukar gjestane å dele seg. Dei som høyrer til brudgommen fer til ein plass, mean dei som høyrer til bruda fer ein annan plass. Så kjem brudeparet innom på dei to plassane før dei dreg vidare på bryllaupsreise. Desse to skulle til Phuket.

Vi har og gått litt på sightseeing i dag. Vi gjekk langs sjøen til Apec-bygget. Det er ei rund bygning som vart bygt i høve Apec-møtet som var her i 2005. Då var det medlemmar frå USA, Australia, Russland og fleire andre land som møttest her i Busan

Sidan det har bygget fungert som eit museum. Vi gjekk i gjennom det, men det var stengetid så vi fekk ikkje vere der noko lengd. Ute i parken såg vi nydelege kaniner.

Sjølv om det har vore fint ver i dag, bles vinden ganske godt. Nesten som på Sunnmøre. Vi måtte kle godt på oss då vi gjekk ut.

Til middag i dag laga vertane til Bulgogi. Dette er marinert biffkjøt med litt grønsaker. Det vart servert saman med ris. Vi tok eit sesamblad og la ris, bulgogi og kimchi(nasjonalrett med bl.a.kål, reddikar, kvitløk, chili - kan vere strek) på. Saman med dette åt vi ei type nepe og tørka tang. Nydla godt.

Kimchi

Sesamblad

Koreatur

2011-04-17T16:56:00.000+02:00

Denne påska har eg ein litt uvant destinasjon på påskeferien:

Sør-Korea. Saman med to svigerinner reiser vi til Busan for å besøkje broren min, Terje og kona hans, Marit.

Vi tok fly til Hesinki via Oslo. Deretter bar det til Seoul med Finnair. Flyturen tok litt over 8 timar. Det var heilt greitt å vere i fly så lenge. Vi las litt, åt og sov. I tillegg rakk eg å sjå 'Kongens tale' med Colin Firth.

I Seoul måtte vi bytte flyplass - frå Inchenon til Gimpo. Der kjøpe vi bilett til Busan. Vel framme vart vi helsa med norske flagg. Då var klokka 8 lokal tid, 01 norsk tid.

For å kome inn i koreansk tid var det viktig å kome raskt i gang med aktivitetar. Vi var ganske trøytte, men etter ein dusj kom vi oss ut på sightseeing.

Marit og Terje bur i 42.etg i blokka til høgre.

Vi gjekk her i området og enda opp på Starbucks.

Var også innom eit bakeri og der hadde dei svele! (ok, noko som likna då).

Då vi kom tilbake til blokka, fekk vi teste trimromet. Rettare sagt, fotmassasjeapparatet. Herleg.

Før vi gjekk ut kosa vi oiss med champagne og jordbær. Slettes ikkje verst å vere på feire.

På tur bør ein ha litt lokal valuta. I Korea heiter denne Won og har mange nullar å halde styr på. Eg skulle ta ut litt pengar. Tenkte på ca. 500 kr, som blir 100 000 Won. Av ein eller annen grunn hadde det sneke seg på ein 0 til - og vips var eg won-millionær! So lett kan det vere å bli millionær.

Vi reiste til Novotel for å ete. Dei har ein flott buffet med mykje og god sushi. Både Bente og eg var spente sidan vi ikkje hadde smakt dette før.

Her er det eg plukka med meg på fyrste runde.

2.runde - ein kokelur. Bente også tok ein - Anita sa dei var soooo gode.

Litt nervøs før spising.

Lurer på kvar kokeluren er no?

Treng vel ikkje kommentar til dette biletet..

Bente og min dom var at kokelurar ikkje var noko særleg. Dei var veldig vanskelege å tygge og forsvann liksom aldri. Kva smak det var, veit eg ikkje. Den blei skylt ned med drikke:-)

Elles så var sushi erfaringa positiv. Mange gode variantar som vi dyppa i skål med soyasaus og wasabi.

Vårkort

2011-04-07T22:07:00.000+02:00

Papira til Pion design er berre dei nydelegast papir ein kan tenkje seg. Eg ville ikkje skjule meir av dei enn det eg strengt tatt måtte. Dei er så dekorative i seg sjølve.

Sidan det er konfirmasjon snart, er det stort sette berre konfirmasjonskorteg lagar. Prøver å lage ulike variantar for å ha pengane i. Her er det ei enkel løysing.

Stempela også er fine - desse er frå Stempelglede.

Eg tek del i desse utfordringane

Moving along with the times -a sketch

Scrap-creations - ribbon, flowers, pearls

Abc - Ribbons

Simon says stamp - spring (i min del av verden kjem liljekonval om våren)

Dutch dare - spring

Post-it kort

2011-04-03T22:51:00.000+02:00

Dette er enda ein ting som eg har sett på bloggen til Marianne - ho er berre så flink. Post-it kort. Det var veldig kjekt å lage og slett ikkje vanskeleg. Men med mitt tempo tok det litt tid :-)
Venninna mi, Linda, fylte 40 år for litt sidan. Ho fekk dette kortet som ei av gavene.

Elles skal vi på Madelynn og kose oss med kaffi og deilege sandwichar. Kanskje kake viss der er plass. Vil anbefale denne plassen for alle som er i nærleiken av Herøy - supergod kaffi og mat.

Eg tek del i desse utfordringane med kortet:
ABC - roses
Charisma cardz - bling and sparkles
Colour create - pastels
Delightful sketches - flowers
Secret crafter - butterflies (I have one little one -does it count)
Allsorts - bloomin' blossoms

Eg ynskjer alle ei flott veke - håpar våren kjem no!

Enda eit konfirmantkort

2011-03-22T11:30:00.001+01:00

Her kjem det andre konfirmasjonskortet som eg laga. Ganske likt det fyrste i papir og fargar, men med anna motiv. Eg nytta skissa som Lily of the Valley har. Motivet er også deira.

'That's just so cute' har ei fargeutfordring no - 'Kvit, brun og grøn'. Synest det var så mykje av desse fargane på kortet at eg tek sjansen.

Konfirmantkort

2011-03-22T08:00:00.004+01:00

I helga begynte eg på konfirmantkorta. Det var kjekt å lage 'gutakort' og eg synest dei vart ganske fine. Her kjem det fyrste. Skissa er frå 'Sketch Saturday'. Elles er motiv og papir dei samme som på bursdagskortet eg laga til Matthew.

Matthew 11 år

2011-03-21T21:09:00.000+01:00

Sonen i huset fyller 11 år på torsdag. Sidan han har fått ei interesse for skating, hadde eg lyst til å lage eit kort med dette temaet. Hjå Unik Hobby fann eg både stempel og passande papir. Eg trur han blir nøgd med kortet sitt.

Simon Says Stamp har 'Happy Birthday' til utfordring - eg tek del på den.
Utfordringa til 'Truly Scrumptious' er 'Tag it' og sidan eg har ein tag hiv eg meg med på den og.

Steve 40 år

2011-03-13T17:49:00.000+01:00

Mannen min,Steve, fylte 40 år i oktober. Eg hadde lyst å lage eit stili' kort til han, men enda opp med ei boks. Eg brukte malen som Marianne har brukt til telys, men eg hadde hjertesjokolade i denne;-)

Papira er Tim Holtz. Mannen min vart veldig nøgd med boksa si.
Kort o Mania har ei utfordring som passar til denne boksa - eg hiv meg på.
Anonyme Scrappere har 'Bretteteknikk', så eg tek del der og. Dei har forresten fått nye DTsom har ein RAK - det er berre å finne sida til Anonyme Scrappere.
Den siste utfordringa eg er med på er Moving along with the times. Dei ynskjer eit prosjekt for ein mann - då passar vel dette?

Barnevogn

2011-03-03T11:59:00.000+01:00

I bloggen til Camilla såg eg slik fin vogn. Sidan eg nettopp er blitt 'gamletante' til nydelege Emily, ville eg prøve å lage ei slik. Eg brukte malen som det var lenkje til på sida til Camilla. Vogna var kjempekjekk å lage. Eg klipte ut kartong til fleire vogner - her skal det bli produksjon. Eg har allereie fått bestilling på ei.

Her har eg fylt den med blomster inntil eg har funne noko anna som kan gjere den fin inni også.

Sommarfuglen er Karen Marie klip.

Eg tek del på desseutfordringane:
Cupcake - Anything but square
Creative Inspirations - Templates
Papertake Weekly - Anything goes
Scrap creations - Kids

Eit gløymt kort

2011-03-02T16:09:00.002+01:00

Sjølv om våren såvidt har kome, dristar eg meg til med eit sommarinspirert kort. Eg ser fram til jodbær og korte armar. Papira er frå Tim Holtz - synest dei er kjempefine. Sangen i bakgrunnen er frå ei gammal sangbok.

Kortet var til systera mi - ho har allereie fått det. Ute av øye - ute av sinn, heilt til eg rydda opp i bileta på dataen min.

Eg tek del i desse utfordringane:
Stamp something - Flowers
Sketchy colors - rosa og beige
Magnolia down under - Flower power
Corrosive Challange - Distressing
ABC - pink

Vinterferie

2011-03-02T15:23:00.000+01:00

Denne veka er det vinterferie på Sunnmøre - vi kosar oss med kortlaging og ski-VM. Kjekt begge deler.

Carizma cardz har utfordringa 'Black, white and one other colour' og Moving along with times 'Fashion'. Eg hiv meg med på begge.

Gjenbruk

2010-10-31T22:28:00.000+01:00

Sukkersøtt har denne veka ei utfordring som heiter 'Gjenbruk'. Dette synest eg hørtest spanande ut og ville prøve meg. Eg fann ei tom valnøttboks og sette i gang. Det var veldig kjekt og enkelt - passa meg utmerket!

Eg nytta skissa til LOTV og eine motivet deira. Synest denne bjørnen er så skjønn.
Eg deltek også i desse utfordringane:
Papertake Weekly - sparkly and bright (kan vel seie at båndet er det i allefall)
Abc - glitter
Delightful sketches - circles

Som de ser av bileta, regnar det på Sunnmøre også i dag. Faktisk regna det ikkje ned, men bortover! Deileg å vere inne å rette engelskbøker:-)

-------------------------------------------------------------------------------------

Sukkersøtt have this week a challenge called 'Recycle'. I thought this was an exciting challenge and wanted to give it a go. I found an empty walnutbox and started. It was really nice and easy - suited me fine!
I used LOTV's sketch and of course one of their stamps. I think this bear is just so cute.
I take part in these challenges:

Papertake Weekly - sparkly and bright (at least the ribbon is sparkly enough;-))

Abc - glitter

Delightful sketches - circles

As you can see of the photos, it is raining today. In fact it is not raining down, but sideways! Nice to sit inside and mark Englishbooks;-)

Boks til systera mi

2010-10-30T16:30:00.000+02:00

Denne boksa fekk systera mi når ho hadde bursdag.Det er kjekt å lage forskjellige ting - ikkje berre kort. Fylte boksa med deileg sjokolade - eg sørga for å kjøpe nokre ekstra :-)
Eg deltek på desse utfordringane:
A spoon full of sugar - Lets get punchy
Creative Card Crew - Lets punch it
Everybody art challenge -picture challenge: red rose
Simon Says Stamp - Punch Em'
Secret crafter - Anything that flies

Eg har brukt Martha Stewart doilylace og butterfly punch og McGill pine punch.

Eg har også brukt Spellbinders.

------------------------------------------------------------------------------------------------------
I gave my sister this box for her Birthday. It's fun to make different things, not only cards.
I filled the box with delicious chocolate - I made I bought a few extra:-)
I take part in these challenges:

A spoon full of sugar - Lets get punchy

Creative Card Crew - Lets punch it

Everybody art challenge -picture challenge: red rose

Simon Says Stamp- Punch Em'

Secret crafter - Anything that flies

I have used Martha Stewart doilylace and butterfly punch and McGill pine punch.

I have also used Spellbinders.

Friday Sketchers

2010-10-28T17:12:00.000+02:00

Denne gongen nytta eg skissa til Friday Sketchers som utgangspunkt. Fekk lyst å lage eit kort med desse nydelege korta og papira. Eg trur desse papira er mine favorittar nokon gong. Dei heiter Ella Blue og er ei samling av vakre ark i blått, begie og brunt. Nam,nam.

-------------------------------------------------------------------------------------------------------------

This time I have used the sketch from Friday Sketchers. I wanted to make a card with these beautiful pictures and papers. I think these papers are my all time favourite. They are called Ella Blue and are a collection of georgeous papers in blue, begie and brown.